ڈیرہ اسماعیل خان: انسدادِ پولیو ٹیم کی حفاظت پر مامور پولیس اہلکار ہلاک، سرکاری اسلحہ چھین لیا

اسلام آباد (ش ح ط) صوبہ خیبر پختونخوا کے ضلع ڈیرہ اسماعیل خان میں انسدادِ پولیو ٹیم پر حملے کے نتیجے میں عملے کی سیکیورٹی پر مامور پولیس اہلکار ہلاک ہو گیا ہے۔

تفصیلات کے مطابق ڈی آئی خان میں تھانہ کینٹ کی حدود میں نامعلوم افراد نے فائرنگ کرکے پولیس اہلکار کو ہلاک کردیا۔

Tehrik-e-Taliban Pakistan (TTP) attacks continue unabated. TTP has claimed responsibility for assassination of a policeman who was guarding a team of health workers in Dera Ismail Khan. His weapon and motorcycle was also taken by TTP. #Pakistan https://t.co/SCVXuHBxsH

— FJ (@Natsecjeff) October 24, 2021

پولیس کے مطابق پولیس کانسٹیبل اکرام اللہ پولیو ٹیم کی سیکیورٹی پر تعینات تھا اور ڈیوٹی ختم کرکے گھر جارہا تھا تاہم راستے میں 2 موٹرسائیکل سواروں نے فائرنگ کردی۔

پولیس کے مطابق ملزمان فائرنگ کے بعد کانسٹیبل کی کلاشنکوف اور موٹر سائکل بھی ساتھ لے گئے تاہم واقعہ کے بعد علاقے میں حملہ آوروں کی تلاش کے لیے ناکہ بندی کردی گئی ہے۔

دوسری جانب کالعدم تنظیم تحریک طالبان پاکستان (ٹی ٹی پی) نے پولیس اہلکار پر حملے کی ذمہ داری قبول کرلی۔

دہشت گرد تنظیم کے ترجمان محمد خراسانی نے پولیس اہلکار کا سرکاری اسلحہ چھیننے کی بھی تصدیق کی ہے۔