ڈیرہ اسماعیل خان: سکیورٹی فورسز کی پوسٹ پر ڈرون حملہ، ایک اہلکار ہلاک، چار زخمی

ڈی آئی خان (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع ڈیرہ اسماعیل خان میں سکیورٹی فورسز کی ایک پوسٹ پر عسکریت پسندوں نے حملہ کیا، جس کے نتیجے میں ایک اہلکار ہلاک جبکہ چار زخمی ہو گئے۔

سکیورٹی ذرائع کے مطابق یہ واقعہ تھانہ کلاچی کی حدود میں پیش آیا، جہاں عسکریت پسندوں نے سکیورٹی فورسز کی پوسٹ کو کوارڈ کاپٹر کے ذریعے نشانہ بنایا۔ حملے میں سپاہی لکھ میر موقع پر ہلاک ہو گئے، جبکہ چار دیگر اہلکار سپاہی ساجد عالم، سپاہی نوید، سپاہی عمر اور سپاہی ساجد علی زخمی ہو گئے۔

زخمی اہلکاروں کو فوری طور پر طبی امداد کے لیے قریبی ملٹری  ہسپتال منتقل کر دیا گیا، جہاں ان کی حالت مستحکم بتائی جا رہی ہے۔

واقعے کے بعد سکیورٹی فورسز نے علاقے کو گھیرے میں لے کر سرچ اور کلیئرنس آپریشن شروع کر دیا، جبکہ حملہ آوروں کی تلاش جاری ہے۔