ڈیرہ اسماعیل خان میں دھماکا، 5 افراد زخمی

ڈی آئی خان (ڈیلی اردو) صوبہ خیبر پختونخوا کے ضلع ڈیرہ اسماعیل خان کے علاقے درزاندہ میں دھماکے کے نتیجے میں پانچ افراد زخمی ہو گئے۔

پولیس کے مطابق مرکزی مارکیٹ میں ریسٹورنٹ کے باہر پارک کی گئی ایک موٹر سائیکل میں دھماکا خیز مواد نصب کیا گیا تھا۔

ڈی پی او عبدالروف کے ترجمان یعقوب خان کے مطابق کہ ایک نامعلوم موٹر سائیکل پر بارودی مواد نصب تھا اور اس کے پھٹنے سے 4 دکانوں اور تین موٹر سائیکلوں کو کافی نقصان پہنچا۔

ترجمان کے مطابق کے مطابق دھماکے سے پانچ افراد زخمی ہوئے جس میں ایک شدید زخمی ہے جبکہ دو افراد معمولی زخمی ہوئے۔

ان کا کہنا ہے کہ ڈی آئی خان پولیس نے جائے وقوعہ پر پہنچ کر آپریشن شروع کردیا ہے۔

دوسری جانب سے انتظامیہ نے ڈیرہ اسماعیل خان کے مختلف سرکاری تعلیمی ادارے ناگزیر وجوہات کی بنا پر بند کر دیے ہیں۔