ڈیرہ اسماعیل خان میں سی ٹی ڈی کا آپریشن، کالعدم ٹی ٹی پی کے 3 دہشت گرد ہلاک

ڈی آئی خان (نمائندہ ڈیلی اردو) پاکستان کے شورش زدہ صوبے خیبر پختونخوا کے ضلع ڈیرہ اسماعیل خان ریجن میں کاؤنٹر ٹیررازم ڈیپارٹمنٹ (سی ٹی ڈی) کی انٹیلی جنس بنیادوں پر کارروائی کے دوران 3 مطلوب دہشتگرد ہلاک ہو گئے۔ ہلاک دہشتگردوں کی شناخت نعمت اللہ، عبد الروف افغانی اور مصطفی کے ناموں سے ہوئی۔

ڈیلی اردو کو حکام نے بتایا ہے کہ ہلاک عسکریت پسندوں کا تعلق کالعدم تحریک طالبان پاکستان (ٹی ٹی پی) سے تھا اور یہ پولیس و سیکیورٹی فورسز پر حملوں میں براہِ راست ملوث تھے۔

سی ٹی ڈی کی کارروائی کے دوران ہلاک دہشتگردوں سے 3 کلاشنکوفیں، 9 میگزین، 2 ہینڈ گرینیڈز اور متعدد کارتوس برآمد ہوئے۔ حکام نے اس کارروائی کو علاقے میں امن قائم رکھنے کی کوششوں میں ایک اہم کامیابی قرار دیا ہے۔