کوئٹہ: ہزارہ ٹاؤن میں فائرنگ، پولیس آفیسر شہید

اسلام آباد (ش ح ط) صوبہ بلوچستان کے صوبائی حکومت کوئٹہ کے علاقے ہزارہ ٹاؤن میں نامعلوم افراد کی فائرنگ سے ایک پولیس آفیسر شہید ہوگیا۔ 

تفصیلات کے مطابق کوئٹہ کے علاقے ہزارہ ٹاؤن کے میں مسلح افراد کی فائرنگ کے نتیجے اسسٹنٹ سب انسپکٹر بارات علی ہزارہ شہید ہوگیا۔ ‏پولیس ذرائع کا کہنا ہے کہ شہید اے ایس آئی بارات علی تھانہ بروری میں تعینات تھا۔

پولیس کے مطابق شہید ہونے والے آفیسر کا تعلق شیعہ ہزارہ قبیلے سے ہے۔

دوسری جانب پولیس حکام نے دعویٰ کیا ہے کہ پولیس آفیسر کو اپنے ہی ساتھی نے فائرنگ کر کے شہید کردیا، قاتل پولیس اہلکار کے خلاف اس کی بیوی نے بروری تھانے میں تشدد کا مقدمہ درج کرایا تھا۔ پولیس تفتیش کیلئے پہنچی تو اہلکار نے غصے میں آ کر اے ایس آئی برات علی کو فائرنگ کرکے شہید کر دیا۔ جبکہ پولیس اہلکار موقع سے فرار ہوگیا۔

جبکہ فائرنگ کی اطلاع ملتے ہی پولیس کی نفری موقع پر پہنچ گئی اور پولیس آفیسر کی لاش کو اپنی تحویل میں لے کر جائے وقوعہ سے شواہد اکٹھے کرنے کے بعد شہید کی لاش کو پوسٹ مارٹم کیلئے ہسپتال منتقل کردیا۔

واقعے کے بعد پولیس کی بھاری نفری موقع پر پہنچ گئی اور علاقے کو گھیرے میں لے لیا۔