یمن: حوثی ملیشیا نے سعودی عرب کا ‘ایف 15’ جنگی طیارہ مار گرایا، عرب اتحاد کی تردید

صنعاء+ ریاض (ڈیلی اردو/نیوز ایجنسی) یمن کی حوثی ملیشیا نے بُدھ کے روز یہ دعویٰ کیا تھا کہ انہوں نے سعودی عرب کی زیر کمان عرب اتحاد کا ایف 15 جنگی طیارہ مار گرایا ہے۔ حوثیوں کی جانب سے اپنے دعویٰ کے حق میں ایک فوٹیج بھی جاری کی گئی تھی

https://twitter.com/Almasirah_Eng/status/1197273863446564869?s=08

دوسری جانب عرب عسکری اتحاد کے ترجمان کرنل ترکی المالکی نے ان خبروں کی سختی سے تردید کی ہے جن میں دعوی کیا گیا تھا کہ حوثی ملیشیا نے عرب اتحاد کا ایک ‘ایف 15’ جنگی طیارہ مار گرایا ہے۔

المالکی نے واضح کیا کہ حوثی ملیشیا کی طرف سے جاری کردہ فوٹیج یکم جولائی 2018 کو ایک طیارے کو مار گرانے کی ناکام کوشش کی ہے۔ حوثی باغی ایک پرانی فوٹیج کو دوبارہ پیش کرکے جنگی طیارہ مار گرانے کا دعوی کررہے ہیں۔

BREAKING: Saudi-led coalition spokesman refutes Houthi claim of downing F-15 warplane – SPA https://t.co/1UiyJfWIwm pic.twitter.com/A0Jdj2sLBH

— Sputnik (@SputnikInt) November 20, 2019

ترجمان عرب اتحاد نے جنوبی کوریا کے بحری جہاز کی یمن میں باب المندب سے اغوا کے بعد جہاز کو بازیاب کرانے اور اسے اس کی مالک کمپنی کے حوالے کرنے کا اعلان کیا ہے۔

کرنل المالکی نے بتایا کہ ہم آبنائے باب المندب اور بحیرہ احمر میں سمندری تحفظ برقرار رکھنے کے لیے اپنی کوششیں جاری رکھے ہوئے ہیں۔ المالکی نے پیر کے روز بتایا تھا کہ اتوار کی شام بحیرہ احمر کے جنوب میں ایران کے حمایت یافتہ دہشت گرد حوثی ملیشیا مسلح کارروائی کرکے دو کشتیوں کو قبضے میں لے لیا تھا۔

انہوں نے جنوبی کوریا کے بحری جہاز کے حوثی ملیشیا کے ہاتھوں اغوا کو بحری قذاقی اور مسلح ڈکیتی قرار دیا اور کہا کہ حوثی ملیشیا کے اقدامات سے باب المندب اور بحیرہ احمر میں عالمی جہاز رانی کو شدید خطرات لاحق ہو گئے ہیں۔