یوکرین کو ٹوماہاک میزائل فراہم نہیں کیے جائیں گے، امریکی صدر

واشنگٹن (ڈیلی اردو) امریکی صدر ڈونلڈ ٹرمپ نے وضاحت کی ہے کہ وہ یوکرین کو طویل فاصلے تک مار کرنے والے امریکی ساختہ ٹوماہاک میزائل فراہم کرنے کے لیے تیار نہیں، کیونکہ ان کا استعمال انتہائی پیچیدہ ہے۔

صدر ٹرمپ نے وائٹ ہاؤس میں صحافیوں سے گفتگو کرتے ہوئے کہا، ’’ٹوماہاک میزائل کا مسئلہ یہ ہے جو بہت سے لوگ نہیں جانتے کہ انہیں استعمال کرنے کی تکنیک سیکھنے میں کم از کم چھ ماہ، اور عام طور پر ایک سال لگتا ہے۔ یہ بہت پیچیدہ ہتھیار ہیں۔ اس لیے واحد طریقہ یہی ہے کہ ہم خود انہیں چلائیں، اور ہم ایسا کرنے نہیں جا رہے۔‘‘

انہوں نے مزید کہا، ’’ان کے استعمال کے لیے ایک سال کی بھرپور تربیت درکار ہوتی ہے۔ ہم جانتے ہیں کہ انہیں کیسے استعمال کرنا ہے، لیکن ہم دوسروں کو یہ سکھانے نہیں جا رہے۔‘‘

صدر ٹرمپ کا یہ بیان اس تناظر میں سامنے آیا کہ یوکرین نے امریکہ سے ٹوماہاک میزائل فراہم کرنے کی درخواست کی تھی، تاکہ روس کے خلاف کییف کی دفاعی صلاحیت کو بڑھایا جا سکے۔ اب لیکن یوکرین کی اس درخواست کو ٹرمپ نے مسترد کر دیا ہے۔