‏گلگت ائیرپورٹ پر لینڈنگ کے دوران پی آئی اے کا طیارہ پھسل گیا، تمام مسافر محفوظ رہے

گلگت شہر (ڈیلی اردو) گلگت ایئر پورٹ پر قومی ایئر لائن پی آئی اے کا طیارہ لینڈنگ کے دوران رن وے سے پھسل گیا، تاہم خوش قسمتی سے تمام مسافر محفوظ رہے۔

نمائندہ ڈیلی اردو کے مطابق طیارے میں 48 مسافر سوار تھے جن میں مقامی اور بین الاقوامی سیاح بھی شامل تھے تمام مسافر خیریت سے اور محفوظ ہیں۔ تاہم طیارے کو نقصان پہنچا۔

ترجمان پی آئی اے کے مطابق طیارہ اسلام آباد سے گلگت آرہا تھا کہ گلگت ایئر پورٹ پر لینڈنگ کے دوران پھسل کر کچے میں اتر گیا تاہم پروں کے باعث طیارہ الٹنے سے بچ گیا۔

ترجمان پی آئی اے کے مطابق پی کے 605 کے تمام مسافر خیریت سے ہیں، طیارے میں 45 سے زائد مسافر سوار تھے،تمام مسافروں کو بحفاظت طیارے سے نکال لیا گیا۔

ترجمان پی آئی اے کا کہنا ہے کہ سی ای او پی آئی اے نے واقعے کی تحقیقات کا حکم دے دیا ہے