آواران: سیکیورٹی فورسز کا 10 دہشت گردوں کو ہلاک کرنے کا دعویٰ

راولپنڈی (ڈیلی اردو) سیکیورٹی فورسز نے صوبہ بلوچستان کے ضلع آواران کے علاقے گوارگو میں دہشتگردوں کے خلاف آپریشن کیا اور فائرنگ کے تبادلے میں 10 دہشت گرد ہلاک کرنے کا دعویٰ کیا ہے۔

پاکستان فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے صوبہ بلوچستان کے ضلع آواران کے علاقے گوارگو میں دہشتگردوں کے ٹھکانے کے موجودگی کی اطلاعات پر آپریشن کیا۔

آئی ایس پی آر کے مطابق سیکیورٹی فورسز کے علاقے کو گھیرے میں لینے پر دہشت گردوں نے فائرنگ شروع کر دی، فائرنگ کے تبادلے میں 10 دہشت گرد ہلاک کر دیے گئے۔

ترجمان پاک فوج کے مطابق دہشت گردوں کے ٹھکانے سے بڑی مقدار میں اسلحہ و گولہ بارود برآمد کیا گیا ہے۔