اسرائیلی فوج کی فائرنگ سے 15 سالہ فلسطینی لڑکا ہلاک، 6 زخمی

غزہ (ڈیلی اردو) مغربی کنارے میں اسرائیلی فوج کی فائرنگ کے نتیجے میں 15 سالہ فلسطینی لڑکا ہلاک ہوگیا۔

عرب میڈیا کے مطابق مغربی کنارے میں جھڑپوں کے دوران اسرائیلی فوج کی فائرنگ کے نتیجے میں 15 سالہ فلسطینی لڑکا محمد سید ہمائل ہلاک جب کہ مزید 6 فلسطینی زخمی ہوگئے جنہیں ہسپتال منتقل کردیا گیا ہے۔

Breaking: Israeli forces shot and killed 16-year-old Mohammad Said Mohammad Hamayel in the village of Beita, southeast of Nablus in the occupied West Bank, around 4:30 p.m. today.

The live bullet hit Mohammad in the chest and he was pronounced dead at Beita field hospital. pic.twitter.com/fNaY30JAbS

— Defense for Children (@DCIPalestine) June 11, 2021

فلسطینی نیوز ایجنسی کی جانب سے جاری تفصیلات میں کہا گیا ہے کہ اسرائیل کی جانب سے نئی غیر قانونی یہودی آبادیاں قائم کرنے کے خلاف احتجاجی مظاہرہ کیا جارہا تھا جس پر اسرائیلی فوج نے فائرنگ کی۔

واضح رہے کہ چند روز قبل بھی اسرائیلی فوج نے بھیس بدل کر فلسطینی انٹیلیجنس کے اہلکاروں کو گرفتار کرنے کی کوشش کی تھی تاہم گرفتاری میں ناکامی پر اسرائیلی فوج نے فائرنگ کر کے 3 فلسطینیوں کو ہلاک کردیا تھا۔