اسرائیلی فوجیوں نے گزشتہ ماہ 13 فلسطینیوں کو ہلاک کیا

نابلس(ڈیلی اردو/آئی این پی) جون کے دوران مغربی کنارے اور بیت المقدس میں شہریوں کے خلاف ہزاروں خلاف ورزیوں کا ارتکاب کرنے والی اسرائیلی فوج کی کارروائیوں کا انکشاف کیا گیا ہے۔

ان کارروائیوں اور خلاف ورزیوں میں فلسطینیوں کی ہلاکتیں، مکانات کی مسماریاں اور دیگر جرائم شامل ہیں۔

فلسطین انفارمیشن سنٹر “معطی” کی طرف سے جاری کردہ رپورٹ میں جون 2022ء کے دوران مغربی کنارے میں قابض فوج کی جانب سے انسانی حقوق کی سنگین خلاف ورزیوں کے اعدادو شمار جاری کیے گئے ہیں۔

ان اعداد و شمار میں بتایا گیا ہے کہ گذشتہ ماہ اسرائیلی فوج نے فلسطینیوں کے خلاف 2,510 بنیادی حقوق کی خلاف ورزیاں کیں۔ اس دوران 13 فلسطینی شہری ہلاک اور سیکڑوں زخمی ہوئے۔

جنین میں 3 مزاحمت کاروں سالہ یوسف ناصر صلاح، سالہ لیث صلاح ابو سرور اور قسام بریگیڈز کے جنگجو سالہ براء کمال لحلوح بے دردی کے ساتھ قتل کیا۔ علاوہ ازیں جون میں اسرائیلی دہشت گردی کے نتیجے میں مزید 10 شہری غفران حامد، بلال قبہا، سابق اسیر ایمن العبوینی، بچہ عودہ صدقہ، محمود ابو عیہور، سمیح عمارنہ، نبیل غانم، علی حرب محمد حامد اور محمد مرعی قتل ہوئے۔

اسرائیلی فوج اور آباد کاروں کی فائرنگ سے 620 شہری زخمی ہوئے۔