افغانستان: غزنی میں طالبان کا خودکش کار بم دھماکا، 15 افراد شہید، بچوں سمیت 180 زخمی

کابل + غزنی (ڈیلی اردو/ نیوز ایجنسی ) افغانستان کے وسطی صوبے غزنی میں طالبان دہشت گردوں کا خودکش حملہ، افسوس ناک واقعے میں 6 پولیس اہلکاروں سمیت 15 شہری شہید ہوگئے۔ جبکہ 50 سکول کے بچوں سمیت 180 سے زائد شہری زخمی ہوگئے ہیں۔

تفصیلات کے مطابق افغانستان کے وسطی صوبے غزنی شہر میں خودکش کار بم دھماکا ہوا۔ جس کے نتیجے میں 6 پولیس اہلکاروں سمیت 15 شہری شہید ہوئے جب کہ سکول بچوں سمیت 180 سے زائد افراد زخمی ہوگئے۔

افغان خبر رساں ادارے خامہ پریس کا کہنا تھا کہ غزنی پولیس سربراہ کے ترجمان کے مطابق دہشت گردوں نے اتوار کی صبح این ڈی ایس کے دفتر قریب ہجوم والی جگہ پر خود کو دھماکے سے اڑایا جس نتیجے میں درجنوں افراد زخمی ہوئے۔

ترجمان غزنی گورنر کے مطابق زخمیوں میں عام شہری کے علاوہ 50 سے زائد سکول کے بچے شامل ہیں، جنہیں ملٹری ہسپتال میں طبی امداد فراہم کی جارہی ہے۔ زخمیوں میں سے 4 بچوں کی حالت نازک بتائی جارہی ہے۔

غیر ملکی خبر ایجنسی کے مطابق افغانستان کے صوبہ غزنی میں این ڈی ایس دفتر کے قریب کار میں بم دھماکا ہوا۔ جس کے نتیجے میں قریبی عمارتوں کی کھڑکیوں کے شیشے ٹوٹ گئے۔

Once again #School_Children were targeted in Ghazni.
At least 14 people killed.150 people including 40 school children were wounded in today car bomb blast in Ghazni city.
په غزنی ښار کې چاودنې د مکتب… https://t.co/6LFrCflFSN

— Anees Ur Rehman (@JournalistAnees) July 7, 2019

خبرایجنسی کے مطابق حملے میں افغان انٹیلی جنس ادارے کو نشانہ بنایا گیا۔ دوسری جانب حادثے کی اطلاع ملتے ہی ریسکیو اور امدادی ٹیمیں جائے وقوع پر پہنچ گئیں، لاشوں اور زخمیوں کو فوری اسپتال منتقل کردیا گیا۔

Aftermath of #Ghazni huge bombing
12 People were killed & 179 others wounded
Taliban took the responsibility#Photos by Paknia and Jalalzai, #BBC reporters in Ghazni – #Afghanistan pic.twitter.com/wx7pAAkpdQ

— Khalil Noori BBC (@KhalilNoori) July 7, 2019

افغان میڈیا کے مطابق خودکش حملے میں سب سے زیادہ سکول کے بچے زخمی ہوگئے ہیں۔

طالبان کے ترجمان ذبیح اللہ نے غزنی میں ہونے والے خودکش حملے کی ذمہ داری قبول کرلی۔

په غزني کې د استشهادي برید جزئيات:
په غزنې کې ستر استشهادي برید د کابل ادارې د استخبارتو مهمه ځاله ویجاړه، لسګونه عسکر ووژل https://t.co/v4ReCdEk2e

— Zabihullah (..ذبـــــیح الله م ) (@Zabehulah_M33) July 7, 2019

گزشتہ روز غزنی کے شیعہ مسجد محمدیہ جامع میں ہونے والے دھماکے کی ذمہ داری عالمی دہشت گرد تنظیم داعش نے قبول کر لی ہے۔ دھماکے میں تین نمازی شہید اور 21 سے زائد زخمی ہوگئے تھے۔

واضح رہے کہ یکم جولائی کو افغانستان کے دارالحکومت کابل میں شدید نوعیت کا دھماکا ہوا تھا۔ جس کے نتیجے میں 68 افراد زخمی ہوگئے تھے۔