افغانستان: کابل میں یونیورسٹی کے قریب دھماکا، 9 شہری شہید، 33 زخمی

کابل (ڈیلی اردو/ نیوز ایجنسی) افغانستان کے دارالحکومت کابل میں جمعہ کو علی الصباح دھماکا ہوا ہے جس کے نتیجے میں 9 شہری شہید اور 33 زخمی ہو گئے۔

افغان نیوز ایجنسی خامہ پریس کے مطابق صبح پولیس ڈسٹرکٹ تھری میں کابل یونیورسٹی کے قریب زور دار دھماکا ہوا جس میں 9 افراد شہید اور 33 زخمی ہو گئے۔

دھماکے کے نتیجے میں یونیورسٹی کے قریب کھڑی 2 گاڑیوں میں آگ بھڑک اٹھی۔ زخمی اور ہلاک ہونے والے افراد کی لاشوں کو ہسپتال منتقل کیا گیا جہاں زخمیوں کو طبی امداد دی گئی۔

وزارت داخلہ کے ترجمان نصرت رحیمی نے ٹوئٹر پر اپنے پیغام میں لکھا تھا کہ صبح کے وقت یونیورسٹی کے قریب دھماکا ہوا۔ انہوں نے کہا کہ دہشت گردوں نے طلبا اور عام لوگوں کو نشانہ بنایا۔

زموږ لومړني اطلاعات او معلومات ښیي چې د کابل پوهنتون پر محصلینو نننى تروریستي برید د طالب ترهگرو لخوا تر سره شوی.
په هر هغه حمله کې چې د دوی لخوا پلان شي او تلفات ملکي کسانو ته واوړي بیا دوی د هغې حملې مسئولیت نه مني.

— Nasrat Rahimi (@NasratRahimi12) July 19, 2019

افغان میڈیا کے مطابق کہ دھماکے کے وقت طلبہ کی بڑی تعداد یونیورسٹی کے باہر موجود تھی۔ کابل پولیس کے مطابق دھماکا علاقے میں نصب آئی ای ڈی سے کیا گیا ہے، جس کی فی الحال کسی گروپ کی جانب سے ذمہ داری قبول نہیں کی گئی۔