افغانستان: کپیسا میں شادی کی تقریب پر مارٹر حملہ، ڈاکٹر سمیت 10 افراد ہلاک، 8 زخمی

کابل (ڈیلی اردو) افغانستان کے صوبے کپیسا میں شادی کی تقریب پر مارٹر حملے کے نتیجے میں ایک ڈاکٹر سمیت 10 افراد ہلاک اور 8 زخمی ہوگئے۔

https://twitter.com/RisboLensky/status/1398705385452847106?s=19

افغان میڈیا کے مطابق صوبے کپیسا کے ضلع طاغب میں گزشتہ رات ایک گھر میں شادی کی تقریب جاری تھی جب کہ اسی دوران طالبان اور سیکیورٹی فورسز کے درمیان جھڑپیں شروع ہوگئیں جس کے نتیجے میں ایک مارٹر گولہ شادی کی تقریب والے گھر پر آگرا جس سے ڈاکٹر مسعود سمیت 10 افراد ہلاک اور 8 زخمی ہوگئے۔

At least six killed when mortar hit Kapisa wedding party https://t.co/0VRsbGh0sD#ArianaNews #Afghanistan #Kapisa #mortar #wedding pic.twitter.com/g8x88KlgGy

— Ariana News (@ArianaNews_) May 30, 2021

افغان سیکیورٹی فورسز کے مطابق طالبان نے جان بوجھ کر مارٹر حملہ میں گھر کو نشانہ بنایا، حملے کے بعد علاقے کو سیکیورٹی فورسز کی بڑی تعداد نے گھیرے میں لے لیا اور زخمیوں کو فوری قریبی ہسپتال منتقل کیا گیا۔ دوسری جانب طالبان نے حملے کے الزام کو مسترد کرتے ہوئے افغان سیکیورٹی فورسز کو واقعہ کا ذمہ دار ٹھہرایا ہے۔