امرتسر: بارڈر سیکیورٹی فورس کے ہیڈکوارٹر میں فائرنگ، کیپٹن سمیت 5 بھارتی فوجی ہلاک، 6 زخمی

نئی دہلی (ڈیلی اردو) بارڈر سیکیورٹی فورس (بی ایس ایف) کے ہیڈکوارٹر میں ایک اہلکار نے اپنے ساتھی اہلکاروں پر اندھا دھند فائرنگ کردی جس کے نتیجے میں کیپٹن سمیت 5 اہلکار ہلاک اور 6 زخمی ہوگئے۔

بھارتی میڈیا کے مطابق ریاست پنجاب کے شہر امرتسر کے علاقے خاصہ میں واقع بارڈر سیکورٹی فورس کے ہیڈ کوارٹر میں فائرنگ کے واقعے میں 6 اہلکار ہلاک اور 12 زخمی ہوگئے۔

بھارتی سیکیورٹی فورس کا یہ ہیڈ کوارٹر پاک بھارت سرحد واہگہ سے محض 20 کلومیٹر کی دوری پر ہے۔

ابتدائی اطلاعات کے مطابق بارڈر سیکیورٹی فورس کے ایک اہلکار نے غصے میں آکر اپنے ساتھیوں پر فائرنگ کی اور بعد میں خود کو بھی گولی مار لی جسے شدید زخمی حالت میں ہسپتال منتقل کیا تاہم وہ دوران علاج ہلاک ہوگیا۔

واقعے کے بعد سینیئر افسران جائے وقوعہ پر پہنچ گئے اور واقعے کی تحقیقات کے لیے انکوائری کمیٹی تشکیل دیدی گئی ہے۔

BSF STATEMENT

In an unfortunate incident, 5 BSF troops were injured due to fratricide committed by Ct Satteppa S K at HQ 144 Bn Khasa, Amritsar. Ct Satteppa S K was also injured in the incident. Out of the 06 injured 5 troops including Ct Satteppa, have lost their lives. pic.twitter.com/ydYPcXDsZ7

— Aditya Raj Kaul (@AdityaRajKaul) March 6, 2022