امریکا نے ایران سے حوثی باغیوں کو کروز میزائل فراہم کرنے میں ملوث 4 پاکستانی گرفتار کرلیے

واشنگٹن (ڈیلی اردو)امریکا نے یمن حوثیوں کو میزائل اسمگل کرنے میں ملوث 4 پاکستانیوں کو گرفتار کر لیا گیا ہے۔

United States Charges 4 Mariners from Arabian Sea Vessel Transporting Suspected Iranian-Made Advanced Conventional Weapons

4 Foreign Nationals Aboard Vessel Charged by Criminal Complaint in @EDVAnews, 10 Others Detained as Material Witnesses

????: https://t.co/EMTxNJ2ZwM pic.twitter.com/UwBlXYOG4K

— National Security Division, U.S. Dept of Justice (@DOJNatSec) February 22, 2024

امریکہ میں انصاف کا محکمہ یا ڈپارٹمنٹ آف جسٹس کے مطابق ایران سے یمن کے حوثی باغیوں کو اسلحہ اسمگل کرنے میں ملوث 4 پاکستانیوں کے علاوہ دیگر 10 افراد کو بھی گرفتار کیا گیا ہے، تاہم ان دیگر افراد کی شناخت ظاہر نہیں کی گئی ہے۔

جبکہ تمام پاکستانیوں کے پاس سے پاکستانی شناختی دستاویزات برآمد کئے گئے ہیں، جبکہ امریکی حکام کے مطابق ان 4 پاکستانیوں کی شناخت محمد پہلوان، محمد مظہر، غفران اللہ اور اظہار محمد کے ناموں سے ہوئی ہے۔

تمام ملزمان کو ریاست ورجینیا منتقل کر دیا گیا ہے، جہاں عدالتی دستاویزات کے مطابق چاروں پاکستانیوں کو 11 جنوری کو صومالیہ کےساحل سے ایک بحری جہاز سمیت پکڑا گیا تھا۔ اس جہاز پر آپریشن کے دوران امریکہ کے دو نیوی سیلز ہلاک ہوئے تھے۔

حکام نے دعویٰ کیا کہ جہاز کی تلاشی کے دوران ایرانی ساختہ جدید ہتھیار موجود تھے، جن میں میڈیم رینج بیلسٹک میزائل، اینٹی کروز شپ میزائل شامل ہیں۔

تاہم مبینہ پاکستانیوں کو مقامی عدالت میں پیش کیا گیا ہے، ترجمان امریکی محکمہ خارجہ کے مطابق امریکی محکمہ انصاف نے غیر سیل شدہ فرد جرم پر بیان جاری کرتے ہوئے کہا کہ یہ ایک جاری قانونی معاملہ ہے، مزید تبصرہ نہیں کر سکتے۔

دوسری جانب امریکی عدالت نے مبینہ پاکستانی محمد پہلوان پر ایڈوانس میزائل اسمگل کرنے اور کوسٹ گارڈز کو غلط معلومات فراہم کرنے کی دفعات شامل کی ہیں۔

محمد مظہر، غفران اللہ اور اظہار محمد پر غلط معلومات فراہم کرنے کے خلاف کاروائی کی گئی ہے۔