امریکی صدر ٹرمپ پر قاتلانہ حملے کا خدشہ: مشکوک ہنٹنگ اسٹینڈ برآمد، تحقیقات جاری

واشنگٹن (ش ح ط) امریکی سیکیورٹی اداروں نے صدر ڈونلڈ ٹرمپ کے ایئر فورس ون سے اترنے کے مقام کے قریب ایک مشکوک ہنٹنگ اسٹینڈ برآمد کیا، جس سے صدر پر ممکنہ قاتلانہ حملے کی منصوبہ بندی ناکام بنا دی گئی۔

ایف بی آئی کے ڈائریکٹر کش پٹیل نے فاکس نیوز کو بتایا: “صدر کے واپسی سے پہلے، امریکی سیکریٹ سروس نے لینڈنگ زون کے نظر آنے والے فاصلے میں ایک بلند ہنٹنگ اسٹینڈ برآمد کیا۔ وہاں کوئی افراد موجود نہیں تھے، اور اس اقدام سے صدر پر ممکنہ قاتلانہ حملے کی منصوبہ بندی ناکام بنا دی گئی۔ اب ایف بی آئی تحقیقات کی قیادت کر رہی ہے، ثبوت اکٹھے کر رہی ہے اور موبائل فون کے تجزیاتی ڈیٹا کا استعمال کر رہی ہے۔”

ذرائع کے مطابق، یہ ہنٹنگ اسٹینڈ ایئر فورس ون کے لینڈنگ زون کے براہِ راست منظر میں واقع تھا۔ صدر کے تحفظ کے لیے تمام ممکنہ اقدامات جاری ہیں اور اس واقعے کے بعد واشنگٹن ڈی سی میں سیکیورٹی الرٹ جاری کر دیا گیا ہے۔

وائٹ ہاؤس کے ایک اہلکار نے بتایا کہ حفاظتی اقدامات کے باعث صدر اتوار کو ایئر فورس ون پر چھوٹے سیڑھیوں کے ذریعے سوار ہوئے۔ سیکیورٹی حکام کا کہنا ہے کہ یہ اقدامات صدر کی حفاظت کو یقینی بنانے کے لیے بروقت اور محتاط اقدامات کا حصہ ہیں۔

حکام کے مطابق، ایف بی آئی علاقے میں موجود سی سی ٹی وی فوٹیج اور دیگر شواہد اکٹھے کر رہی ہے اور تفتیش جاری ہے۔