ایران میں 1,700 سے زائد اہداف کو نشانہ بنایا ہے، امریکی سینٹرل کمانڈ

واشنگٹن (ڈیلی اردو) امریکی حکام کے مطابق سنیچر کو ایران میں فضائی حملے شروع کرنے کے بعد سے امریکہ نے 1,700 سے زیادہ اہداف کو نشانہ بنایا ہے۔ یہ تفصیلات امریکی سینٹرل کمانڈ (سینٹ کام) نے جاری کی ہیں۔

نشانہ بنائے گئے مقامات میں میزائل سائٹس، بحری جہاز، آبدوزیں اور کنٹرول سینٹرز شامل ہیں۔

سینٹ کام کا کہنا ہے کہ امریکہ نے ان حملوں کے لیے طیارے، جن میں متعدد لڑاکا طیارے شامل ہیں، کے ساتھ ساتھ میزائل سسٹمز اور بحری جہاز بھی استعمال کیے۔

یہ اپ ڈیٹ کارروائی کے ابتدائی 72 گھنٹوں کی تفصیلات فراہم کرتی ہے اور اس میں کہا گیا ہے کہ سینٹ کام ان ’مقامات کو ترجیح دے رہا ہے جو فوری خطرہ پیدا کرتے ہیں۔‘