ایران: پتھر پھینکنے کے الزام پر 21 سالہ نوجوان کھلاڑی کو پھانسی دے دی گئی

تہران (ڈیلی اردو) ایران میں احتجاجی مظاہروں کے دوران گرفتار 21 سالہ نوجوان کھلاڑی ساسان آزادوار جونغانی کو پتھر پھینکنے کے الزام پر سزائے موت دے دی گئی۔

ایرانی عدلیہ کے مطابق ساسان کو جنوری میں اصفہان میں ہونے والے مظاہروں کے دوران گرفتار کیا گیا تھا۔ حکام کا کہنا ہے کہ مظاہروں کا مقصد حکومت کا تختہ الٹنا تھا اور ملزم نے سیکیورٹی اہلکاروں کی ایک بس پر پتھروں اور ڈنڈوں سے حملہ کیا، جس سے گاڑی کو نقصان پہنچا اور اہلکاروں پر بھی پتھراؤ کیا گیا۔

ساسان کو اصفہان کی عدالت نے سزائے موت سنائی تھی، جس کی بعد ازاں سپریم کورٹ نے توثیق کی، اور انہیں 10 مئی کو پھانسی دی گئی۔

دوسری جانب وکلا سے وابستہ ویب سائٹ “ددبان” کے مطابق اگر نوجوان نے اعتراف بھی کیا تھا تو اس نے کسی ہتھیار کا استعمال نہیں کیا تھا، اور اس بنیاد پر اسے دی گئی سزا کو غیر متناسب قرار دیا جا رہا ہے۔

دوسری جانب انسانی حقوق کے حلقوں نے اس سزا پر شدید تحفظات کا اظہار کرتے ہوئے اسے غیر متناسب قرار دیا ہے۔