ایرانی حملوں سے کویت کا پانی و بجلی نظام متاثر، اہم تنصیبات کو شدید نقصان

کویت سٹی (ڈیلی اردو ) کویت میں 

ایرانی بیلسٹک میزائلوں اور ڈرونز حملے کے نتیجے میں ڈی سیلینیشن (نمکین پانی کو پینے کے قابل بنانے والے) پلانٹ اور ایک بجلی گھر کے بعض حصوں کو نقصان پہنچا ہے۔

حکام کے مطابق ہنگامی عملہ فوری طور پر موقع پر پہنچ گیا اور کوشش کی جا رہی ہے کہ تنصیبات کو فعال رکھا جائے۔ اب تک صرف مادی نقصان کی اطلاع ملی ہے۔

کویت پینے کے پانی کے لیے بڑی حد تک ڈی سیلینیشن پلانٹس پر انحصار کرتا ہے کیونکہ ملک کا موسم خشک ہے۔ اس عمل میں بہت زیادہ توانائی درکار ہوتی ہے، اس لیے ایسی تنصیبات کو نقصان پہنچنے سے ماحولیاتی خطرات بھی پیدا ہو سکتے ہیں۔

اس سے قبل مینا الاحمدی ریفائنری پر حملے کے بعد سرکاری کمپنی کویت پٹرولیم کارپوریشن نے بھی بتایا تھا کہ ریفائنری کے کئی یونٹس میں آگ لگ گئی تھی، جو ملک کی ایک اہم توانائی تنصیب ہے۔