باجوڑ میں تخریب کاری کا بڑا منصوبہ ناکام

باجوڑ (نمائندہ ڈیلی اردو) خیبر پختونخواہ پولیس نے بڑی تعداد میں اسلحہ و گولہ بارود برآمد کر کے تخریب کاری کا بڑا منصوبہ ناکام بنانے کا دعویٰ کردیا۔

باجوڑ میں بم ڈسپوزل اسکواڈ (بی ڈی ایس) نے خوڑچئی ماموند اور لوئی سم کے علاقوں میں کارروائیاں کرتے ہوئے مارٹر گولے برآمد کر لیے، جنہیں بعد ازاں محفوظ طریقے سے ناکارہ بنا دیا گیا۔

پولیس کے مطابق بی ڈی ایس ٹیم روزانہ کی بنیاد پر سرچ، سویپ اور ڈسپوزل آپریشن جاری رکھے ہوئے ہے تاکہ علاقے میں امن و امان کی صورتحال کو یقینی بنایا جا سکے۔

ترجمان باجوڑ پولیس نے عوام سے اپیل کی ہے کہ وہ مکمل احتیاط برتیں اور اگر کسی مقام پر بارودی مواد یا کوئی مشکوک چیز نظر آئے تو فوراً پولیس کنٹرول روم کو اطلاع دیں تاکہ بروقت کارروائی کی جا سکے۔