باجوڑ میں دہشت گردوں کی فائرنگ، 4 پولیس اہلکار ہلاک، 2 زخمی

باجوڑ (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع باجوڑ کی تحصیل خار میں دہشت گردوں کی فائرنگ کے نتیجے میں پولیس کے ابابیل دستے کے 4 اہلکار ہلاک جبکہ 2 زخمی ہو گئے۔

پولیس کے مطابق واقعہ نوی کلی کے علاقے میں اس وقت پیش آیا جب ابابیل دستہ معمول کی گشت اور حفاظتی ڈیوٹی انجام دے رہا تھا۔ 

اسی دوران نامعلوم مسلح افراد نے اچانک فائرنگ شروع کر دی۔ شدید فائرنگ کے نتیجے میں چار اہلکار موقع پر ہی ہلاک ہو گئے جبکہ دو زخمیوں کو فوری طور پر ہیڈکوارٹر ہسپتال خار منتقل کیا گیا، جہاں انہیں طبی امداد دی جا رہی ہے۔ 

حکام کے مطابق زخمی اہلکاروں کی حالت خطرے سے باہر ہے۔

واقعے کے بعد علاقے میں تلاش اور گھیراؤ کی کارروائی شروع کر دی گئی ہے جبکہ سیکیورٹی مزید سخت کر دی گئی ہے۔ آئی جی خیبر پختونخوا نے واقعے کی رپورٹ طلب کر لی ہے۔