بدترین معاشی بحران: سری لنکا میں ایندھن خریدنے کے انتظار میں دو افراد ہلاک

کولمبو (ڈیلی اردو) سری لنکا میں ایندھن کی قلت کے سبب ایک پٹرول پمپ پر طویل قطاروں میں گھنٹوں تک انتظار کرتے ہوئے دو افراد ہلاک ہوگئے۔

In Sri Lanka, as economic crisis worsens, two men die waiting in queue for fuel https://t.co/s7fzl0fMt0 pic.twitter.com/qjsrP0J9TE

— Reuters (@Reuters) March 20, 2022

پولیس کے مطابق دارالحکومت کولمبو کے مضافات میں ایک 70 سالہ شخص پٹرول خریدنے کے لیے لائن میں کھڑے کھڑے گر گیا اور اس کی موت ہوگئی۔ اسی طرح کینڈی میں بھی ایک اور عمر رسیدہ شخص مٹی کا تیل خریدنے کے انتظار میں دم توڑ گیا۔

مقامی میڈیا کے مطابق کھانا پکانے کے لیے مٹی کا تیل خریدنے کے لیے سخت دھوپ میں کھڑی کئی خواتین بھی بے ہوش ہوگئیں۔

سری لنکا کو اپنی تاریخ کے بدترین معاشی بحران کا سامنا ہے۔ زرمبادلہ کی کمی کے باعث ملکی درآمدات میں نمایاں کمی ہوگئی ہے اور اب انتہائی ضروری اشیاء کی سپلائی شدید متاثر ہے۔