بلوچستان: خضدار میں سی ٹی ڈی کا آپریشن، 2 دہشت گرد ہلاک

کوئٹہ (ڈیلی اردو) پاکستان کے صوبہ بلوچستان کے ضلع خضدار میں کاؤنٹر ٹیررزم ڈیپارٹمنٹ (سی ٹی ڈی) نے انٹیلی جنس بیسڈ آپریشن کرتے ہوئے 2 دہشت گردوں کو ہلاک کردیا۔

ترجمان سی ٹی ڈی کے مطابق خضدار میں کالعدم بلوچ لبریشن فرنٹ کے دہشت گردوں کی موجودگی کی اطلاع پر انٹیلی جنس بیسڈ آپریشن کیا گیا، اس دوران دہشت گردوں کے ساتھ فائرنگ کا تبادلہ ہوا اور 2 دہشت گرد مارے گئے۔

ترجمان کے مطابق ہلاک دہشت گردوں کے قبضے سے اسلحہ، گولہ بارود، 8 کلو دھماکا خیز مواد اور ایک میگنیٹ آئی ایس ڈی برآمد ہوئی ہے۔

ترجمان سی ٹی ڈی نے مزید بتایا کہ دہشت گردوں سے دستی بم، پراکارڈ، موبائل فون اور موٹر سائیکل بھی برآمد ہوئی ہے۔