بلوچستان: دالبندین میں جھڑپ، 7 دہشت گرد اور 3 سیکورٹی اہلکار ہلاک

کوئٹہ (نمائندہ ڈیلی اردو) پاکستان کے شورش زدہ صوبے بلوچستان کے ضلع دالبندین میں سکیورٹی فورسز کی کارروائی کے دوران کالعدم بلوچ لبریشن آرمی (بی ایل اے ) کے 6 سے 7 دہشت گرد ہلاک ہو گئے، جبکہ فائرنگ کے تبادلے میں 3 سکیورٹی اہلکار ہلاک ہو گئے۔

تفصیلات کے مطابق دالبندین کی شاہراہ ایم-40 پر کالعدم بلوچ لبریشن آرمی کے دہشت گردوں نے ناکہ لگانے کی ناکام کوشش کی۔

اطلاع ملتے ہی سکیورٹی فورسز فوری طور پر موقع پر پہنچ گئیں، جس کے بعد شدید فائرنگ کا تبادلہ ہوا۔ کارروائی کے دوران 6 سے 7 دہشت گرد ہلاک ہو گئے۔

فائرنگ کے تبادلے میں 3 سکیورٹی اہلکار بھی ہلاک ہو گئے۔

ذرائع کے مطابق علاقے میں سکیورٹی فورسز کی کارروائی اور سرچ آپریشن جاری ہے۔