بلوچستان: دالبندین میں مکان پر دستی بم حملہ، 5 مزدور زخمی

کوئٹہ (ڈیلی اردو) پاکستان کے شورش زدہ صوبہ بلوچستان کے ضلع چاغی کے علاقے دالبندین میں مکان پر دستی بم حملے میں پانچ افراد زخمی ہو گئے۔

پولیس کے مطابق دالبندین کی کلی باز محمد میں دہشت گردوں نے ایک مکان پر دستی بم پھینکا، جو صحن میں گر کر زور دار دھماکے سے پھٹ گیا۔

دھماکے کے نتیجے میں مزمل، مشتاق، اسماعیل، خان محمد اور اعجاز احمد زخمی ہو گئے، جنہیں فوری طور پر دالبندین ہسپتال منتقل کر دیا گیا۔

ڈاکٹروں کے مطابق زخمی ہونے والے افراد کو معمولی زخم آئے ہیں۔ زخمیوں میں دو افراد کا تعلق ملتان، دو کا سیالکوٹ اور ایک کا نارووال سے ہے، جو دالبندین میں ایک تعمیراتی کمپنی میں کام کر رہے تھے۔

حملہ آور واقعے کے بعد فرار ہو گئے، جبکہ پولیس نے مقدمہ درج کر کے تفتیش شروع کر دی ہے۔