بلوچستان: ڈیرہ بگٹی میں دھماکا، 4 افراد ہلاک، 10 زخمی

کوئٹہ (ڈیلی اردو) صوبہ بلوچستان کے ضلع ڈیرہ بگٹی کی تحصیل سوئی میں بارودی سرنگ کے دھماکے میں سابق وزیر داخلہ سرفراز بگٹی کے کزن سمیت 4 افراد ہلاک اور 10 سے زائد زخمی ہوگئے۔

https://twitter.com/ShabbirTuri/status/1487017145112227841?t=c8lzNCK425XBzC31ndusIA&s=19

تفصیلات کے مطابق سوئی کے نواحی علاقے مٹ موندرانی سولر بور کے قریب بارودی سرنگ کا دھماکا ہوا ہے، جس کے نتیجے میں اب تک دو لیویز اہلکاروںبسمیت چار افراد ہلاک اور 10سے زائد افراد کے زخمی ہونے کی اطلاعات ہیں جبکہ ہلاک ہونے والوں میں سینیٹر سرفراز بگٹی کے کزن بھی شامل ہیں۔

سیکیورٹی فورسز نے علاقے کو گھیرے میں لے لیا اور زخمیوں کو پبلک ویلفیئر ہسپتال سوئی منتقل کردیا گیا۔

وزیراعلیٰ بلوچستان میر عبدالقدوس بزنجو نے سوئی میں بم دھماکے کی مذمت کرتے ہوئے امن فورس کے رضا کاروں کی شہادت پر دلی رنج و غم کا اظہار کیا۔

وزیراعلیٰ بلوچستان نے کہا کہ شہداء نے امن کیلئے جانیں قربان کیں، دہشت گردوں کو کیفر کردار تک پہنچانے میں کوئی کسر اٹھا نہیں رکھی جائے گی، امن کے دشمنوں نے ایک مرتبہ پھر دہشت گردی کی بزدلانہ کارروائی کی۔

دوسری جانب سابق وزیرداخلہ بلوچستان سرفراز بگٹی نے سماجی رابطے کی ویب سائٹ ٹوئٹر پر اپنے ٹویٹ میں بتایا کہ سوئی میں باردوی سرنگ کے دھماکے میں 4 افراد ہلاک ہوئے۔

Four people were martyred while eight others were injured in an attack in Mat area of Sui, #Balochistan. Baloch Republican Army terrorists were behind this attack. would like to know for how long the state will continue to tolerate such attacks on innocent people.

— Sarfraz Bugti (@PakSarfrazbugti) January 28, 2022

سرفراز بگٹی نے کہا کہ کالعدم بلوچ ری پبلکن آرمی حملے میں ملوث ہے، ریاست کب تک معصوم جانوں کے ضیاع پر برداشت کا مظاہرہ کرے۔

Name of injured & who lost their lives in #Back_to_back explosions in #Sui Tehsil of district Dera Bugti #Balochistan https://t.co/NOVs4pxnlo pic.twitter.com/NXzxFs6HZa

— ???????? (@Info_Balochistn) January 28, 2022