بلوچستان: کوئٹہ میں نامعلوم موٹر سائیکل سواروں کی فائرنگ سے پولیس اہلکار ہلاک

کوئٹہ(ڈیلی اردو) صوبہ بلوچستان کے دارالحکومت کوئٹہ کے علاقے سروے 144 نواں کلی میں نامعلوم مسلح افراد کی فائرنگ سے ایک پولیس اہلکار ہلاک ہوگیا ہے۔

پولیس کے مطابق زرغون آباد تھانے کا اہلکار مطیع اللہ خان گزشتہ شب اپنی ڈیوٹی ختم کرکے موٹرسائیکل پر گھر جارہا تھا وہ جیسے ہی سروے 144 کے قریب پہنچا تو نامعلوم موٹرسائیکل سواروں اس پر فائرنگ کر کے فرار ہوگئے جس کے نتیجہ میں وہ موقع پر ہی دم توڑ گیا۔

اطلاع ملنے پر پولیس کی بھاری نفری نے موقع پر پہنچ علاقے کو گھیرے میں لیکر لاش ہسپتال پہنچائی جہاں ضروری کارروائی کے بعد میت پولیس لائن لے جائی گئی جہاں مطیع اللہ کی نماز جنازہ ادا کرنے کے بعد لاش ورثاء کے حوالے کردی گئی۔