بلوچستان: کیچ کے علاقے بلیدہ میں سیکیورٹی فورسز کا آپریشن، 6 دہشت گرد ہلاک

راولپنڈی (ڈیلی اردو) صوبہ بلوچستان کے ضلع کیچ میں سیکیورٹی فورسز سے مقابلے میں بلوچ نیشنلسٹ آرمی کے 6 مبینہ دہشت گرد ہلاک ہوگئے ہیں۔

پاکستانی فوج کے تعلقات عامہ (آئی ایس پی آر) کے مطابق ضلع کیچ کی تحصیل بلیدہ میں سیکیورٹی فورسز اور دہشت گردوں کے مابین شدید فائرنگ کا تبادلہ ہوا۔

6 Terrorists killed by Security Forces in heavy exchange of fire during an IBO on terrorist hideout in Buleda, Balochistan. These terrorists were involved in recent terrorist activities in Kech. Cache of arms & ammunition recovered from terrorist hideout .

— DG ISPR (@OfficialDGISPR) February 16, 2022

آئی ایس پی آر کے مطابق تحصیل بلیدہ میں دہشت گردوں کی موجودگی سے متعلق خفیہ اطلاع پر آپریشن کیا گیا اور سیکیوری فورسز کے آپریشن کے دوران دہشت گردوں نے فرار ہونے کی کوشش جسے ناکام بنا دیا گیا۔

انہوں نے بتایا کہ دہشت گردوں نے بھاری اسلحہ سے سیکیورٹی فورسز پر فائرنگ کی اور جوابی فائرنگ کے نتیجے میں 6 دہشت گرد ہلاک ہوگئے۔

آئی ایس پی آر کے مطابق ہلاک ہونے والے دہشت گرد کیچ میں سیکیورٹی فورسز پر حملے اور دیگر تخریبی کاررائیوں میں ملوث تھے جبکہ ان کے خفیہ ٹھکانوں سے بھاری مقدار میں اسلحہ اور گولا بارود برآمد کرلیا گیا۔

بلیدہ ضلع کیچ کے ہیڈ کوارٹر تربت سے اندازاً 47 کلومیٹر کے فاصلے پر شمال مغرب میں واقع ہے۔