بنوں میں دو الگ واقعات، دو نوجوان ہلاک، ڈرون حملے میں 2 زخمی

بنوں(ڈیلی اردو رپورٹ) پاکستان کے شورش زدہ صوبہ خیبر پختونخوا کے ضلع بنوں میں دو الگ الگ واقعات میں دو نوجوان اغوا کے بعد قتل کر دیے گئے جبکہ ایک کواڈ کاپٹر ڈرون حملے میں دو شہری زخمی ہو گئے۔ 

ذرائع کے مطابق بنوں کے علاقے ڈومیل میں عسکریت پسندوں نے دو نوجوانوں کو اغوا کرنے کے بعد قتل کر دیا۔ بتایا گیا ہے کہ دونوں نوجوانوں کی لاشیں دو مختلف مقامات سے برآمد ہوئیں۔ واقعے کے بعد علاقے میں خوف و ہراس پھیل گیا ہے۔

کواڈ کاپٹر ڈرون حملہ

ادھر بنوں کے علاقے بکا خیل میں نامعلوم افراد کی جانب سے کواڈ کاپٹر ڈرون حملہ کیا گیا، جس کے نتیجے میں دو شہری زخمی ہو گئے۔ 

ابتدائی اطلاعات کے مطابق زخمیوں کو فوری طور پر ڈسٹرکٹ ہیڈکوارٹر ہسپتال منتقل کر دیا گیا، جہاں انہیں طبی امداد دی جا رہی ہے۔