جنوبی وزیرستان میں سیکیورٹی فورسز کا آپریشن، 2 دہشت گرد ہلاک

وانا (نمائندہ ڈیلی اردو) پاکستان کے شورش زدہ صوبے خیبر پختونخوا کے قبائلی ضلع جنوبی وزیرستان میں سیکیورٹی فورسز نے انٹیلی جنس بنیاد پر کارروائی کرتے ہوئے دو دہشت گرد ہلاک کر دیے۔

سیکیورٹی ذرائع کے مطابق سراروغہ کے علاقے میں خفیہ اطلاعات پر فورسز نے بروقت آپریشن کیا۔ کارروائی کے دوران شدید فائرنگ کے تبادلے میں کالعدم تحریک طالبان پاکستان سے تعلق رکھنے والے دو دہشت گرد ہلاک ہو گئے۔

ذرائع کا کہنا ہے کہ دہشت گرد تخریب کاری کی منصوبہ بندی کر رہے تھے اور بروقت کارروائی سے ممکنہ بڑا نقصان ٹال دیا گیا۔

علاقے میں سینیٹائزیشن اور سرچ آپریشن جاری ہے جبکہ سیکیورٹی فورسز نے دہشت گردی کے خاتمے اور امن کے قیام کے عزم کا اعادہ کیا ہے۔