جو بائیڈن نے اسرائیل کو 735 ملین ڈالر مالیت کا اسلحہ فروخت کرنیکی منظوری دی، واشنگٹن پوسٹ

واشنگٹن (ڈیلی اردو/بی بی سی) امریکی اخبار واشنگٹن پوسٹ کی خبر کے مطابق صدر جو بائیڈن نے اسرائیل کو درست نشانے پر مار کرنے والے (735 ملین) 73 کروڑ 50 لاکھ ڈالر مالیت کے ہتھیار فروخت کیے ہیں۔

Scoop: the Biden admin has approved the sale of $735 million in precision-guided weapons to Israel, raising red flags for some House Dems more open to questioning DC’s support of Netanyahu, suggesting the sale be used as leverage. W/ @karoun: https://t.co/8L9xUy7Vby

— Jacqueline Alemany (@JaxAlemany) May 17, 2021

اخبار کے مطابق کانگریس کو ہتھیاروں کی فروخت سے متعلق پانچ مئی کو بتایا گیا تھا، اور یہ اسرائیل اور فلسطین کے درمیان تشدد کے آغاز کے عین ایک ہفتے پہلے کی بات ہے۔

اخبار کے مطابق جو بائیڈن کے چند ساتھی ڈیموکریٹس اب اسلحے کی فروخت پر تنقید کر رہے ہیں۔

کانگریس کی خارجہ امور کی کمیٹی میں شامل ایک ڈیموکریٹ نے اخبار سے بات کرتے ہوئے کہا کہ ’اسرائیل پر فائر بندی کا دباؤ ڈالے بغیر ان سمارٹ بموں کی فروخت کی اجازت مزید تباہی کا پیش خیمہ ہو سکتی ہے۔