جی سیون ممالک کا ایران سے عام شہریوں پر حملے فوری بند کرنے کا مطالبہ

فرانس (ڈیلی اردو) جی سیون ممالک کے وزرائے خارجہ نے جمعے کے روز ایران جنگ کے دوران شہریوں اور شہری بنیادی ڈھانچے پر حملے فوری طور پر روکنے کا مطالبہ کیا ہے۔

فرانس میں ہونے والے جی سیون اجلاس کے دوسرے روز جاری کردہ مشترکہ بیان میں وزرائے خارجہ نے کہا کہ تنازعے کے دوران علاقائی شراکت داروں، شہری آبادی اور اہم تنصیبات پر اثرات کو محدود رکھا جائے۔

بیان میں مزید کہا گیا:’’ہم نے متنوع شراکت داری، باہمی ہم آہنگی اور ان اقدامات کی حمایت کی اہمیت پر توجہ مرکوز کی، جو عالمی معاشی جھٹکوں کو کم کرنے میں مدد دیں، جیسے کہ معیشت، توانائی، کھاد اور تجارتی سپلائی چینز میں خلل، جن کے براہ راست اثرات ہمارے شہریوں پر پڑتے ہیں۔‘‘

وزرائے خارجہ نے آبنائے ہرمز میں محفوظ اور بلا معاوضہ جہاز رانی کی آزادی کی بحالی کی ضرورت پر بھی زور دیا۔

جی سیون ممالک میں امریکہ، برطانیہ، کینیڈا، فرانس، جرمنی، اٹلی اور جاپان شامل ہیں، جبکہ یورپی یونین بھی اس کا حصہ ہے۔