خلیج عدن میں یمنی سمندری حدود میں کیمرون کا بحری جہاز نذر آتش، عملہ محفوظ

لندن (ڈیلی اردو) برطانوی فوج نے بتایا ہے کہ خلیج عدن میں یمنی سمندری حدود کے نزدیک ایک کیمرون کا بحری جہاز نذر آتش ہو گیا ہے اور عملہ جہاز چھوڑنے کی تیاری کر رہا ہے۔ 

حکام کے مطابق واقعے کی تحقیقات جاری ہیں۔ ابتدائی اطلاعات کے مطابق جہاز پر ممکنہ طور پر راکٹ لگا، جس کے بعد آگ بھڑک اٹھی۔

جہاز عمان سے جبوتی کی جانب روانہ تھا۔ واقعہ ایسے وقت میں سامنے آیا ہے جب یمن کے حوثی باغی تجارتی جہازوں پر حملے کر رہے ہیں، تاہم ابھی تک کسی بھی جانب سے ذمہ داری قبول کرنے کا بیان موصول نہیں ہوا۔

غزہ میں 10 اکتوبر کو جنگ بندی کے بعد حوثیوں نے کسی حملے کی ذمہ داری قبول نہیں کی۔ قبل ازیں وہ اسرائیلی کارروائیوں کی مخالفت میں اس اہم بحری گزرگاہ میں بحری جہازوں کو نشانہ بناتے رہے ہیں۔