10/January/2026

خیبر اور باجوڑ میں عسکریت پسند حملے، دو پولیس اہلکار ہلاک

👁️ 216 بار دیکھا گیا

ایڈمن
امریکا
خیبر اور باجوڑ میں عسکریت پسند حملے، دو پولیس اہلکار ہلاک

خیبر اور باجوڑ میں عسکریت پسند حملے، دو پولیس اہلکار ہلاک

خیبر (نمائندگان ڈیلی اردو)پاکستان کے شورش زدہ صوبے خیبر پختونخوا کے قبائلی اضلاع میں عسکریت پسندوں نے دو الگ الگ حملوں میں دو پولیس اہلکاروں کو ہلاک کر دیا۔

 

خیبر

 

پہلا واقعہ ضلع خیبر کی تحصیل جمرود میں پیش آیا، جہاں عسکریت پسندوں کی فائرنگ سے پولیس اہلکار عبدالقیوم ہلاک ہو گیا۔

 

ابتدائی اطلاعات کے مطابق واقعہ جمرود کے علاقے شاہ کس میں پیش آیا۔ ہلاک ہونے والا پولیس اہلکار اسپیشل برانچ میں تعینات تھا۔

 

 باجوڑ

 

دوسرا واقعہ ضلع باجوڑ کی تحصیل ماموند کے علاقے خوارو کلے میں پیش آیا، جہاں عسکریت پسندوں کی فائرنگ سے پولیس اہلکار رشید، سکنہ کٹکوٹ، ہلاک ہو گئے۔ پولیس ذرائع کے مطابق حملہ آور واردات کے بعد فرار ہو گئے۔

 

واقعات کی اطلاع ملتے ہی پولیس کی بھاری نفری جائے وقوعہ پر پہنچ گئی اور علاقوں کو گھیرے میں لے کر سرچ اور کلیئرنس آپریشن شروع کر دیا گیا ہے۔

 

پولیس حکام کا کہنا ہے کہ حملہ آوروں کی گرفتاری کے لیے مختلف پہلوؤں سے تحقیقات جاری ہیں۔

شیئر کریں:

متعلقہ خبریں

خبر
سیاست

قومی اسمبلی میں اہم بل کی منظوری

1 گھنٹہ پہلے تفصیل
خبر
سیاست

وزیر خارجہ کا اہم بیان

2 گھنٹے پہلے تفصیل

موسمی حالات

کراچی

32°C

لاہور

28°C