خیبر: وادی تیراہ میں مارٹر گولہ گرنے سے 5 افراد ہلاک، ایک زخمی

خیبر (نمائندہ ڈیلی اردو) پاکستان کے صوبہ خیبر پختونخوا کے قبائلی ضلع خیبر کی دور افتادہ وادی وادی تیراہ کے علاقے سیڑے کنڈاؤ میں مبینہ طور پر مارٹر گولہ گرنے سے پانچ افراد ہلاک جبکہ ایک نوجوان زخمی ہوگیا۔

مقامی ذرائع کے مطابق مارٹر گولہ نیاز بادشاہ نامی شخص کے گھر پر گرا جس کے نتیجے میں ان کے دو بیٹے، ایک بھتیجا اور ایک پوتا موقع پر ہی ہلاک ہوگئے جبکہ ایک نوجوان زخمی ہوگیا۔

ہسپتال ذرائع کے مطابق میشتی میلہ اورکزئی ہسپتال منتقل کیے گئے افراد میں لاشیں اور ایک زخمی شامل تھے، جبکہ زخمی ہونے والے 16 سالہ نوجوان مطیع اللہ کو مزید طبی امداد کے لیے کوہاٹ کے ہسپتال ریفر کر دیا گیا ہے۔

مقامی ذرائع کا کہنا ہے کہ ہلاک افراد کی تدفین کر دی گئی ہے جبکہ واقعے کے بعد علاقے میں خوف و ہراس پھیل گیا ہے۔