خیبر پختونخوا: عید میں دریاؤں کا رخ کرنیوالے 16 نوجوان ڈوب کر ہلاک

پشاور (ڈیلی اردو) خیبر پختونخوا کے صوبائی دارالحکومت پشاور سمیت صوبہ کے دیگر مقامات پر عید الفطر کے روز سیرو تفریح کیلئے دریاؤں کا رخ کرنے والے 16نوجوان تندو تیز لہروں کے نذر ہوئے۔ ریسکیو 1122 کی امدادی ٹیموں نے بیشتر نعشیں نکال کر ورثاء کے حوالے کردیں۔

ترجمان ریسکیو 1122 بلال احمد فیضی کے مطابق عید الفطر کے دونوں میں پشاور سمیت صوبے کے بیشتر مقامات پر واقع دریاؤں میں 16 ڈوبنے کے واقعات رونما ہوئے جن میں بیشتر کی نعشیں نکال کر ورثاء کے حوالے کردی گئیں۔

واضح رہے کہ صوبائی حکومت کی جانب سے سیاحتی مقامات پر پابندی عائد کی گئی لیکن اس کے باوجود بڑی تعداد میں لوگوں نے دریاؤں اور سیاحتی مقامات کا رخ کیا۔