دوسری بیوی نے پہلی بیوی کے بچوں کے ساتھ ملکر تیسری اور نئی بیوی کو قتل کردیا

ممبئی (ڈیلی اردو) بھارت میں ایک ڈرامائی واقعہ پیش آیا ہے جس میں ایک شخص کی دوسری بیوی نے پہلی بیوی کی بیٹی اور اس کے دوست کی مدد سے تیسری اور نئی بیوی کو قتل کروا دیا۔

نالا سوپارہ کی 32 سالہ خاتون نے مبینہ طور پر دوسری بیوی کی دو بچیوں اور ان کے دوست کی مدد سے تیسری نوبیاہتا دلہن کو قتل کروا دیا۔ واقعے کے بعد یکم مارچ کو 35 سالہ یوگیتا دیورے کی لاش نالا سوپارا کے سنسان علاقے سے برآمد ہوئی۔

اس جرم میں پہلی بیوی پاروَتی مانے کو گرفتار کرلیا گیا جو 45 سالہ شخص سشیل مشرا کی دوسری بیوی ہیں۔ سشیل کی پہلی بیوی اپنی دو چھوٹی بچیوں کے ساتھ اترپردیش میں رہائش پذیر تھیں۔ دونوں لڑکیاں اس کی پہلی بیوی سے تھیں یوں سوتیلی بیٹی تھیں۔ وہ نان نفقے سے محروم بمشکل اپنی بیٹیوں کے ساتھ زندگی گزاررہی تھی۔ اس نے پولیس کو بتایا کہ اس کے شوہر نے یوگیتا دیورے کے سامنے اس کی شدید بے عزتی بھی کی تھی۔

ایک سال قبل سشیل نے پاروتی کو چھوڑ کر یوگیتا کے گھر رہائش اختیار کرلی تھی جو نالاسوپارا میں واقع ہے۔ پاروتی نے بتایا کہ اس کا شوہر شہر سے باہر تھا۔ وہ جمعے کو یوگیتا کے اپارٹمنٹ میں گئے جہاں انہوں نے چوکی دار کو شراب پیش کی۔ اس کے بعد مکان کی چابی کی نقل سے دروازہ کھولا اور اندر سوئی ہوئی یوگیتا دیورے کو سوتے میں قتل کر دیا۔ اس عمل میں اس کی دو سوتیلی بیٹیوں نے مدد کی جبکہ ایک سوتیلی بیٹی کے دوست نے بھی اس میں اہم کردار ادا کیا۔

واردات کے بعد ایک سوتیلی بیٹی کے رکشا ڈرائیور دوست نیرج مشرا کی مدد سے کمبل میں لپٹی لاش کو ایک سنسان علاقے میں پھنکوا دیا گیا۔ اس واقعے کے بعد پولیس نے چاروں ملزمان کو گرفتار کرلیا۔