راجستھان میں بھارتی لڑاکا طیارہ ‘مگ 21’ گر کر تباہ

نیو دہلی (ڈیلی اردو) بھارتی فضائیہ کا مگ 21 طیارہ ریاست راجستھان کے علاقے باڑمیر میں گر کر تباہ ہوگیا۔

بھارتی میڈیا کے مطابق مگ 21 طیارہ تربیتی پرواز پر تھا کہ ٹیک آف کے بعد تکنیکی خرابی ہوئی اور جنگی جہاز باڑمیر کے گاؤں میں گرکر تباہ ہوگیا۔

Rajasthan | IAF's MiG-21 Bison fighter aircraft crashed today in Barmer during a training sortie, pilot safe pic.twitter.com/u1i4D46NRa

— ANI (@ANI) August 25, 2021

رپورٹس میں بتایا گیا ہے کہ مگ 21 طیارہ گاؤں بھرتیا میں جھونپڑیوں پر گرا جس سے جھونپڑیوں میں آگ بھڑک اٹھی تاہم واقعے میں کوئی جانی نقصان نہیں ہوا۔

رپورٹس میں کہا گیا ہے کہ واقعہ بھارتی وقت کے مطابق شام ساڑھے 5 بجے پیش آیا اور حادثے سے قبل پائلٹ باحفاظت نکلنے میں کامیاب رہا۔

بھارتی فضائیہ کے مطابق حادثے کی وجوہات کے تعین کیلئے کورٹ آف انکوائری تشکیل دے دی گئی ہے۔

رپورٹس کے مطابق رواں سال کے 8 ماہ کے دوران بھارتی فضائیہ کے مگ 21 طیاروں کے گر کر تباہ ہونے کا یہ تیسرا واقعہ ہے۔

خیال رہے کہ بھارتی مگ طیاروں کو اُن کے اپنے وزرا اڑتے ہوئے کفن قرار دے چکے ہیں۔