راولپنڈی سے تین افغان دہشت گرد گرفتار، بھاری اسلحہ، بارود اور اڈیالہ جیل کا نقشہ برآمد

اسلام آباد (ڈیلی اردو/وی او اے) راولپنڈی پولیس نے تین افغان مبینہ دہشت گردوں کو گرفتار کرنے اور ان کے قبضے سے اڈیالہ جیل کا نقشہ برآمد کرنے کا دعویٰ کیا ہے۔

اسلام آباد سے وائس آف امریکہ کے مطابق پولیس نے ایک بیان میں کہا ہے کہ راولپنڈی پولیس اور کاؤنٹر ٹیررازم ڈیپارٹمنٹ (سی ٹی ڈی) نے مشترکہ کارروائی کرتے ہوئے اڈیالہ جیل کو بڑی تباہی سے بچا لیا ہے۔

سی پی او سید خالد ہمدانی کے مطابق مشترکہ کارروائی کے دوران تین دہشت گردوں کو بھاری اسلحہ اور بارود سمیت گرفتار کر کے انہیں تفتیش کے لیے محفوظ مقام پر منتقل کر دیا گیا ہے۔

پولیس افسر کے مطابق مبینہ دہشت گردوں کا تعلق افغانستان سے ہے جن کے قبضے سے اڈیالہ جیل کا نقشہ، ہینڈ گرنیڈ اور آئی ای ڈی برآمد ہوا ہے۔

سی پی او سید خالد ہمدانی کا کہنا ہے کہ پولیس اور دیگر قانون نافذ کرنے والے ادارے اڈیالہ جیل اور اس کے اطراف سرچ آپریشن میں مصروف ہیں۔

خیال رہے سابق وزیرِاعظم عمران خان کو توشہ خان، سائفر اور عدت مکمل ہونے سے قبل نکاح کے مقدمات میں سزا سُنائی جا سکی ہے اور وہ اڈیالہ جیل میں قید ہیں۔