سی ٹی ڈی اور حساس اداروں کی کوئٹہ میں کارروائی، مطلوب دہشت گرد گرفتار

کوئٹہ (بیورو رپورٹ) کوئٹہ میں سی ٹی ڈی اور حساس اداروں نے کارروائی کرتے ہوئے بم ڈسپوزل اسکواڈ انچارج عبدالرزاق کو شہید کرنے والے دہشت گرد کو گرفتار کر لیا۔

ترجمان سی ٹی ڈی کے مطابق کاونٹر ٹیرارزم ڈیپارٹمنٹ اور حساس اداروں نے کوئٹہ میں مشترکہ کارروائی کی جس میں پولیس کے اسپیشل برانچ بم ڈسپوزل اسکواڈ انچارج شہید عبدالرزاق کو بم سے اڑانے والا دہشت گرد گرفتار کرلیا گیا۔

دہشتگرد محمد وسیم کو سریاب روڈ سے گرفتار کیا گیا جس کے قبضے سے حساس دستاویزات برآمد کرلی گئیں۔

سریاب روڈ پر 13 فروری 2017 کو بم ناکارہ بناتے ہوئے بی ڈی اسکواڈ کے انچارج کمانڈر عبدالرزاق سمیت دو پولیس اہلکار شہید اور 15 زخمی ہوگئے تھے۔