شام میں فوجی گاڑی کے قریب دھماکا، 18 اہلکار ہلاک، 27 زخمی

دمشق (ڈیلی اردو) شام کے سرکاری میڈیا کے مطابق دمشق کے قریب ایک فوجی بس پر بم دھماکے میں 18 فوجی ہلاک اور 27 زخمی ہو گئے۔

#BREAKING At least 18 soldiers killed in Syria bus bombing near Damascus: state media pic.twitter.com/vXMxgkgcJu

— AFP News Agency (@AFP) October 13, 2022

سرکاری خبررساں ایجنسی سانا نے ایک فوجی ذرائع کا حوالہ دیتے ہوئے کہا کہ دمشق کے دیہی علاقوں میں ایک فوجی بس کو نشانہ بنایا گیا جس میں پہلے ہی سے دھماکہ خیز مواد نصب کیا گیا تھا۔

دوسری جانب برطانیہ میں قائم سیریئن آبزرویٹری فار ہیومن رائٹس نے بتایا کہ دھماکہ دمشق کے دیہی علاقے الصبورہ کے قریب لبنانی دارالحکومت بیروت کی طرف جانے والی شاہراہ پر ہوا۔ حملے کی ذمہ داری فوری طور پر قبول نہیں کی گئی اور نہ ہی شامی حکام کی جانب سے کوئی تبصرہ کیا گیا۔