شمالی وزیرستان میں دھماکا، ایک فوجی ہلاک اور ایک زخمی

اسلام آباد (ش ح ط) صوبہ خیبرپختونخوا کے قبائلی ضلع شمالی وزیرستان میں حکام کا کہنا ہے کہ سکیورٹی فورسز پر ہونے والے ایک ریموٹ کنٹرول بم حملے میں ایک فوجی اہلکار ہلاک اور ایک شدید زخمی ہو گیا ہے۔

مقامی پولیس کے مطابق تحصیل گڑیوم میں منگل اور بدھ کی درمیانی شب سیکورٹی فورسز پر ریموٹ کنٹرول بم حملے میں ایک سیکورٹی اہلکار ہلاک ہوا ہے جبکہ ایک زخمی ہے جس کی حالت نازک بتائی جارہی ہے۔

ہلاک اہلکار کی شناخت سپاہی فہد کے نام سے ہوئی جب کہ زخمی اہلکار کا نام تنویر بتایا گیا ہے۔

ہلاک ہونے والے سپاہی فہد کا تعلق ایبٹ آباد سے ہے۔

قبائلی ضلع شمالی وزیرستان کے علاقے دوسلی میں سیکورٹی فورسز پر حملہ، ہلاکتوں کا خدشہ.#NorthWaziristan #Pakistan

— Shabbir Hussain Turi (@ShabbirTuri) October 6, 2021

ذرائع کے مطابق دھماکے کے بعد سکیورٹی فورسز کی بھاری نفری جائے وقوعہ پہنچ گئی اور سارے علاقے کو گھیرے میں بڑے پیمانے پر سرچ آپریشن کا آغاز کردیا۔

ادھر کالعدم تنظیم تحریک طالبان پاکستان نے اس حملے کی ذمہ داری قبول کی ہے۔

ترجمان ٹی ٹی پی محمد خراسانی نے دعویٰ کیا ہے کہ حملے میں دو اہلکار ہلاک اور ایک زخمی ہوگیا ہے۔