شمالی وزیرستان کے علاقے دتہ خیل میں سیکیورٹی فورسز کا آپریشن، ٹی ٹی پی 2 دہشت گرد ہلاک

راولپنڈی (کاشف محمود) سیکیورٹی فورسز نے صوبہ خیبر پختونخوا کے قبائلی ضلع شمالی وزیرستان میں آپریشن کرتے ہوئے کالعدم تنظیم تحریک طالبان پاکستان کے دو دہشت گردوں کو ہلاک کردیا۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ سیکیورٹی فورسز نے خفیہ اطلاع پر شمالی وزیرستان کے علاقےدتہ خیل میں آپریشن کیا، اس دوران فائرنگ کے تبادلے میں 2 دہشت گرد ہلاک ہوگئے۔

https://twitter.com/ShabbirTuri/status/1489855076693061632?t=HfUCGZIiP3CUZVk0_s7QSQ&s=19

آئی ایس پی آر کا کہنا تھا کہ ہلاک دہشتگردکی شناخت عصمت اللہ عرف حافظ کے نام سے ہوئی اور دوسرے دہشت گرد کی شناخت کا عمل جاری ہے۔

ترجمان نے بتایا دہشت گردوں سے بھاری مقدار میں گولہ بارود اور اسلحہ برآمد ہوا، برآمد ہونے والے اسلحے میں سب مشین گنز، دستی بم، راکٹ لانچر اور گولے اور کئی دیگر قسم کی گولیاں شامل ہیں۔

آئی ایس پی آر کے مطابق ہلاک دہشت گرد سیکیورٹی فورسز کےخلاف کارروائیوں، ٹارگٹ کلنگ اور اغوا برائے تاوان میں ملوث تھے۔