صحافیوں کی مدد کیلئے امریکا کا ’گلوبل ڈیفیمیشن ڈیفنس فنڈ‘ قائم کرنے کا اعلان

واشنگٹن (ڈیلی اردو) امریکا نے دنیا بھر میں ایسے صحافیوں کی مدد کرنے کا اعلان کیا ہے، جنہیں سچ بولنے اور کسی نا انصافی پر سے پردہ اٹھانے کی وجہ سے قانونی کارروائی کا سامنا ہے۔

’یو ایس ایڈ‘ کی سربراہ سمانتھا پاور نے جمعرات کے روز اطلاع دی کہ صدر جو بائیڈن کی انتظامیہ ’گلوبل ڈیفیمیشن ڈیفنس فنڈ‘ قائم کر رہی ہے، جس کے تحت متاثرہ صحافیوں کی قانونی و مالی معاونت کی جائے گی۔

امریکا کی جانب سے یہ قدم جمہوریت اور جمہوری اقدار کو فروغ دینے کے لیے اُٹھایا جا رہا ہے۔

دوسری جانب اس کے ناقدین وکی لیکس کے بانی جولین اسانج کی طرف اشارہ کرتے ہیں، جنہیں امریکی راز فاش کرنے کی وجہ سے وسیع تر قانونی کارروائی کا سامنا کرنا پڑ رہا ہے۔