صوابی میں دیور نے جائیداد کے تنازعے پر بیوہ بھابھی کو 3 بچوں سمیت قتل کردیا

پشاور (ڈیلی اردو) خیبرپختونخوا کے ضلع صوابی میں جائیداد کے تنازعہ پرسنگدل دیور نے اپنی بیوہ بھابھی کو 3 بچوں سمیت فائرنگ کرکے قتل کردیا۔

ٹی این این نیوز ایجنسی کے مطابق فائرنگ کا افسوسناک واقعہ شلخی بانڈہ میں پیش آیا جہاں ملزم شیر زمان نے فائرنگ کرکے اپنی بیوہ بھابی اور اُس کے تین بچوں کو موت کے گھاٹ اتار دیا جس کے بعد ملزم فرار ہونے میں کامیاب ہوگیا۔

پولیس کے مطابق جاں بحق ہونے والے بچوں میں 10 سالہ خوشبو، 8 سالہ ایشمن اور 45 دنوں کا شیر خوار بچہ شامل ہیں جن کی لاشیں پوسٹ مارٹم کےلئے ڈسٹرکٹ ہیڈ کوارٹر ہسپتال منتقل کردی گئی ہیں۔

پولیس کے مطابق جائے وقوعہ سے شواہد اکٹھے کرکے ملزم کی تلاش شروع کردی گئی ہے۔