لاہور میں گلے پر پتنگ کی ڈور پھرنے سے ایک شخص جاں بحق

لاہور (ڈیلی اردو) پبجاب کے صوبائی دارالحکومت لاہور کے علاقے مغلپورہ میں گلے پر پتنگ کی ڈور پھرنے سے ایک شخص جاں بحق ہوگیا ہے، وزیراعلیٰ پنجاب نے واقعے کا نوٹس لیتے ہوئے فوری رپورٹ طلب کرلی ہے۔

تفصیلات کے مطابق چالیس سالہ عامر موٹر سائیکل پر صدر بازار کی طرف جارہا تھا کہ مغلپورہ میں گلے پر پتنگ کی ڈور پھرنے سے موقع پر ہی جاں بحق ہوگیا۔

وزیراعلیٰ پنجاب نے پتنگ کی ڈور پھرنے سے شہری کے جاں بحق ہونے کا نوٹس لیتے ہوئے جاں بحق شہری کے لواحقین سے ہمدردی اور اظہار تعزیت کیا ہے جبکہ واقعے پر سی سی پی او لاہور سے رپورٹ طلب کرلی ہے۔

وزیراعلیٰ پنجاب عثمان بزدار کا کہنا ہے کہ پابندی کے باوجود پتنگ بازی کے واقعات ناقابل برداشت ہیں،پتنگ بازی پر پابندی کے قانون پر سختی سے عملدرآمد کرایا جائے۔