لندن میں طیارے سے ایک شخص گر کر ہلاک ہو گیا

لندن (نیوز ڈیسک) جنوبی لندن میں طیارے کے لینڈنگ گیئر میں چھپا شخص گر کر ہلاک ہوگیا۔ ہلاک ہونے والا شخص غیر قانونی طریقے سے سفر کر رہا تھا۔

غیر ملکی میڈیا کے مطابق لندن کے جنوبی علاقے میں گھر کے باہر سے نامعلوم شخص کی لاش ملی۔ تفتیش میں پتا چلا کہ گھر کے آنگن میں یہ لاش اچانک آسمان سے آ گری۔ مقام افراد نے پولیس کو اطلاع دی اور قریب لگے کیمروں سے بھی مدد لی گئی۔ میڈیا رپورٹس کے مطابق ایک شخص نیروبی سے لندن آنے والی فلائٹ کو ایپ کے ذریعے بھی مانیٹر کر رہا کہ اسی دوران اس نے طیارے سے کوئی بڑی چیز گرتے دیکھی اور یہ وہ ہی وقت تھا کہ جب اس شخص کے گھر میں وہ لاش گری۔

Body of stowaway falls from Kenya Airlines plane and lands in London garden https://t.co/WHZmWqs78w pic.twitter.com/ySuYFG0cP0

— The Sun (@TheSun) July 1, 2019

عینی شاہد نے نام نہ بتانے کی شرط پر میڈیا سے گفت گو میں بتایا کہ میرے پڑوس میں ایک شخص اپنے گارڈن میں سن باتھ لے رہا تھا کہ اچانک لاش اس کے برابر آکر گری۔ میں نے کسی زور دار چیز کی اونچائی سے گرنے کی آواز سنی تو گھبرا کر گھر سے باہر آکر دیکھا تو ایک شخص کی خون آلودہ لاش پڑی تھی۔ لاش پر کپڑے جوتے وغیرہ سب موجود تھے۔

The body of a plane stowaway has landed in a garden in Clapham, London after falling from a Kenya Airlines flight.

It narrowly missed a sunbather. pic.twitter.com/xKaY5oWuHu

— RT UK (@RTUKnews) July 2, 2019

پولیس کے مطابق مرنے والا شخص لندن کے مضافات سے گزرنے والی کینیا ایئر ویز کی پرواز کے لینڈنگ گیئر میں چھپا تھا، جو غیر قانونی طریقے سے برطانیہ آنا چاہتا تھا، تاہم زندگی نے اسے مہلت نہ دی اور یہ شخص طیارہ انتہائی بلندی پر ہونے کے باعث دوران پرواز ہی لینڈنگ گیئر میں جم گیا۔ پولیس کے مطابق مذکورہ طیارے کے لینڈنگ گیئر سے بستہ، پانی کی بوتل اور کچھ ہلکا پھلکا کھانے کا سامان برآمد کیا گیا ہے۔

پولیس کے مطابق یہ کوئی مشکوک شخص نہیں، بلکہ غیر قانونی طور پر برطانیہ بسنے کیلئے آنا چاہتا تھا، لاش کو ضروری کارروائی کیلئے اسپتال منتقل کردیا گیا ہے، تاہم مرنے والے کی عمر فی الحال نہیں بتائی گئی۔

کینیا ایئرویز کی جانب سے جاری بیان میں کہا گیا ہے کہ واقعہ میں کسی نقصان کی اطلاع نہیں ملی۔ پرواز چھ ہزار آتھ سو چالیس کلو میٹر کی رفتار سے محو پرواز تھی، جس نے اپنا سفر آٹھ گھنٹوں اور پچاس منٹ میں مکمل کیا۔ پرواز نیروبی سے ہیتھرو ایئرپورٹ روانہ ہوئی۔

BREAKING A body fell from Kenya Airways flight #KQ100 on final approach to London Heathrow
The man fell from the landing gear of a Kenya Airways plane after a nine-hour flight from Nairobi, according to police and airline officials. pic.twitter.com/pGbrg3kcVH

— The Mt. Kenya Times???? (@themtkenyatimes) July 2, 2019

ایئرلائن کے ترجمان کا مزید کہنا تھا کہ ہم واقعہ پر ہلاک شخص کے اہل خانہ سے تعزیت کرتے ہیں، جب کہ کینیا میں ہلاک شخص کے اہل خانہ کی تلاش کا کام بھی شروع کردیا گیا ہے۔