لندن میں چاقو زنی سے 2 نوجوان ہلاک، 8 افراد گرفتار

لندن (ڈیلی اردو) برطانوی دارالحکومت میں 24 گھنٹوں کے دوران چاقو زنی سے 2 نوجوانوں کو قتل اور 8 مشتبہ افراد کو گرفتار کر لیا گیا ہے۔

برطانوی ذرائع ابلاغ کے مطابق برطانوی دارالحکومت لندن میں 24 گھنٹوں کے دوران چاقو کے حملوں سے 2 نوجوانوں کو قتل کیا گیا۔ پولیس نے چاقو زنی کی وارداتوں کے بعد 8 مشتبہ افراد کو حراست میں لے لیا ہے۔

رپورٹس کے مطابق لندن کے علاقے ہیز میں 15 سالہ نوجوان کو نا معلوم مسلح شخص نے چاقو کا وار کر کے ہلاک کیا جبکہ اسٹریتھم کے علاقے میں ایک اور نوجوان پر چاقو سے حملے کئے گئے۔ پولیس نے ہیز میں 2 مشتبہ افرادکو جبکہ اسٹریتھم سے 6 کو حراست میں لیا ہے۔

لندن پولیس کی جانب سے جاری ہونے والے اعداد و شمار کے مطابق رواں سال میں اب تک صرف لندن میں 50 افراد کو قتل کیا جاچکا ہے، جن میں سے بیشتر افراد کو چاقو حملوں میں ہلاک کیے گئے ہیں۔