لکی مروت میں نامعلوم افراد کی فائرنگ سے ایف سی اہلکار ہلاک

اسلام آباد (ش ح ط) صوبہ خیبر پختونخوا کے ضلع لکی مروت میں نامعلوم افراد کی فائرنگ سے فرنٹیئر کور بلوچستان (ایف سی) کا اہلکار سعد اللہ ہلاک ہوگیا ہے۔

سرکاری ذرائع کے مطابق ایف سی اہلکار کو غزنی خیل ریسٹ ہاؤس کے سامنے نامعلوم مسلح موٹر سائیکل سواروں نے نشانہ بنایا اور فرار ہوگئے۔ سعد اللہ چھٹی پر گھر آیا تھا جہاں نامعلوم افراد نے انہیں فائرنگ کر کے ہلاک کر دیا۔

ریسکیو اہلکاوں نے لاش کو مقامی ہسپتال منتقل کردیا جبکہ واقعے کے محرکات معلوم نہ ہوسکے۔

FC soldier assassinated in gun attack in Lakki Marwat. #Pakistan https://t.co/j9Vg8SDnKT

— FJ (@Natsecjeff) February 19, 2022

دوسری جانب کالعدم تنظیم تحریک طالبان پاکستان (ٹی ٹی پی) نے حملے کی ذمہ داری قبول کرلی۔